Abahleli bencwadi, kusuka kwesobunxele, oSolwazi Vivian Ojong noRadhamany Soorymoorthy.Incwadi Ehlelwe NgoSolwazi Base-UKZN Iphenya “Ngendlela Entsha Yokwenza Izinto”
Click here for English version
Ubhubhane lwe-COVID-19 luveze izingqinamba ezinkulu ekucwaningweni kwesayensi yezenhlalo, nokudale ukuthi abacwaningi basungule izindlela ezintsha zokubhekana nezingqinamba.
OSolwazi base-UKZN oRadhamany Sooryamoorthy kanye no-Vivian Ojong beSikole seSayensi yezeNhlalo bahlanganyele ndawonye ukuhlela incwadi ecubungula ngokuhambisana nesimo kanye nokuthuthukisa ukuhlangabezana nezimfuno zokuguqula izimo zenhlalo kanye nokukhombisa izindlela ezintsha ezingasetshenziswa.
Incwadi yabo enesihloko esithi: Researching the 'New Normal' Social World: Methodological Adaptations and Innovations Post-Pandemic, ikhombisa izindlela ezintsha zokucwaninga, ezingasetshenziswa esikhathini esizayo ezinzima. Ngakhoke, izoba wusizo kubafundi, kothisha, kubacwaningi, odokotela kanye nakwabanye abasemkhakheni wesayensi yezenhlalo.
Abaphose esivivaneni bathathwe ezikhungweni ezinamava emhlabeni, kubalwa i-Oxford Brooks Business School, Auckland University of Technology, Leuven’s Faculty of Engineering Science, Victoria Univesity, Temple University, Ontario Tech University, UKZN, Johannes Kepler University of Linz, Yale University, University of Wolverhampton, Paris Lodron University Salzburg kanye ne-European Institute on Public Health Policy.
‘Kuyinhloso yethu ukuthi abafundi kanye nabacwaningi bahlomule kulezi zindlela zokucwaninga esizihlanganisile zaba yiqoqo, sithatha ulwazi ezifundisweni zomhlaba wonke ezikhuluma ngezinto ezahlukene ezibhekane nazo,’ kusho abahleli.
Ngolunye ulwazi, cindezela la.
Amagama: nguSinoyolo Mahlasela
Izithombe: Zithunyelwe